२०७५, चैत ०५ मङ्गलबार

पुस्तकसमीक्षाको पहिलो सैद्धान्तिक पुस्तक ‘किताबैकिताब’

२०७४, चैत १७ शनिबार |

पुस्तकसमीक्षाको सैद्धान्तिक र व्यावहारिक पक्षलाई समेटेर त्रि.वि. कीर्तिपुरका उपप्राध्यापक डा. अशोक थापाले लेख्नु भएको पुस्तक ‘किताबैकिताब’  विमोचन भएको छ । नेपाल सङ्गीत तथा नाट्य प्रज्ञा–प्रतिष्ठानका कुलपति एवं साहित्यकार सरुभक्तद्वारा विमोचित यस पुस्तकलाई पुस्तकसमीक्षाको सैद्धान्तिक व्याख्या गरिएको पहिलो पुस्तक मानिएको छ ।
लेखकद्वारा विविध समयमा गरिएको एक सय ४२ वटा पुस्तकहरूको तस्वीरसहित समीक्षा गरिएको यस पुस्तकमा आख्यान–गैरआख्यान दुवै क्षेत्रका पुस्तकहरूलाई समेटिएको छ । आठ पूर्वपृष्ठसहित दुई सय ४७ पेजको कलेवरमा संरचित यस पुस्तक चार खण्डमा विभाजित छ । पुस्तकको पहिलो खण्डमा पुस्तकसमीक्षाको सैद्धान्तिक पक्षको विषयमा चर्चा गरिएको छ भने दोस्रो, तेस्रो र चौथो खण्डमा क्रमशः यस सम्बद्ध विविध नमुनाको प्रस्तुति रहेको छ । पुस्तकमा पुस्तकसमीक्षाको प्रयोजन र उद्देश्यका साथै यसको परम्परा र पद्धतिका विषयमा पनि विमर्श गरिएको छ ।
पुस्तकसमीक्षालाई लेखक, पाठक र बजार सबैलाई सहायता गर्नु पर्छ भन्दै ‘यसले पाठकलाई सूचना दिने, लेखकलाई जागृत गराउने र प्रकाशन बजार र पाठक समुदायलाई पुलले झैँ जोड्ने (पुल) काम गर्छ ।’ पुस्तकमा भनिएको छ । हाम्रा आम सञ्चार माध्यममा पुस्तकसमीक्षामा व्यापक लापर्वाही देखिएको कुरा उल्लेख गर्दै समीक्षकले अति प्रशंसा र अति निन्दा गर्नु दुर्भाग्य रहेको कुरा उल्लेख गर्दै डा. थापाले पाठकमा पनि समस्या देखिएको औँल्याउँनु भएको छ । आजका आम पाठकले ‘पुस्तकलाई महिनौँ नपल्टाउने अनि समीक्षकले बजारमा जे हल्ला मञ्चाएको त्यसको पछाडि दौडनु काम भइरहेको छ जुन कुनै पनि अर्थमा सही कुरा हुनसक्दैन ।’ तीन सय ५० मूल्य रेहको यस कृतिलाई नेपाली बुक्स हाउस बाग बजारले प्रकाशन गरेको हो ।

410 पटक हेरिएको

कृपया तपाईको प्रतिकृया यहाँ दिनुहोला!

नयाँ समाचार

सबै हेर्नुहोस

शुक्रबारदेखि ब्रुमरबाट सडक सफा

२०७५, चैत ०५ मङ्गलबार

अवैध सुनसहित चार पक्राउ

२०७५, चैत ०५ मङ्गलबार

सागबाट एक लाखभन्दा बढी कमाइ

२०७५, चैत ०४ सोमबार