२०७५, कार्तिक ०३ शनिबार

युवालाई उद्यमशीलमुखी कार्यक्रम ल्याउनुपर्छः डा कोइराला

२०७४, पुष २९ शनिबार |

नवलपरासी – नेपाली काँगे्रसका महामन्त्री डा शशांक कोइरालाले युवा विदेशतर्फ जानुभन्दा स्वदेशमै सिर्जनात्मक कार्य गर्नुपर्ने र सरकारले तिनलाई उद्यमशीलमुखी कार्यक्रम ल्याउनुपर्ने बताउनुभएको छ ।

नवलपरासी बर्दघाट सुस्ता पूर्व कावासोतीमा शुक्रबारदेखि शुरु भएको दोस्रो नवलपरासी युवा सम्मेलनको उद्घाटन कार्यक्रममा प्रतिनिधिसभामा नवनिर्वाचित सांसद डा कोइरालाले युवालाई प्राविधिक सीप प्रदान गर्दै खाडीमुलुुक जानबाट रोकी राष्ट्र निर्माणमा प्रयोग कसरी गर्ने भन्ने देशको प्रमुख कार्यसूची हुनुपर्ने बताउनुभयो ।

सम्मेलनमा उद्योगपति विनोद चौधरीले नेपालमा वार्षिक रुपमा चार लाख युवा जनशक्ति बजारमा आउने गरे पनि प्राविधिक शिक्षाको कमीका कारण दक्ष नहुँदा बेरोजगारी समस्या बढेको बताउँदै सरकारले नीतिगत रुपमा शिक्षा प्रणालीलाई परिवर्तन गर्नाको विकल्प छैन भन्नुभयो ।

हरियाली संस्था र वातावरण जनजागरण विकास मञ्चको संयुक्त आयोजना तथा विभिन्न संघसंस्थाको सहकार्यमा ‘समाज परिवर्तनका लागि युवा’ भन्ने मूल नाराका साथ आयोजित सम्मेलनमा जिल्लाभरिका करीब १०० युवाको सहभागिता छ । दिगो समृद्ध समाज निर्माणमा युवाको महत्वपूर्ण भूमिका हुने र त्यसका लागि युवालाई उत्तरदायी गराई समाजका हरेक कार्यमा युवालाई संलग्न गराउनका लागिसम्मेलनले टेवा पु¥याउने आयोजकले जनाएको छ ।

आज सकिने सम्मेलनमा ‘नवलपरासीमा युवाको सम्भावना र चुनौती’, ‘दिगो समृद्ध समाज निर्माणमा युवा’, ‘विश्व सफाइ दिवस’ लगायत विषयमा छलफल हुने कार्यक्रम संयोजक सुधन लम्सालले जानकारी दिनुभयो ।

सम्मेलनबाट आएका निष्कर्षबाट ‘युवा घोषणापत्र’ जारी गरी नवलपरासीका सम्पूर्ण स्थानीय तहका प्रमुख उपप्रमुखलाई हस्तान्तरण गरिने बताइएको छ ।
–रासस

43 पटक हेरिएको

कृपया तपाईको प्रतिकृया यहाँ दिनुहोला!

नयाँ समाचार

सबै हेर्नुहोस

सरकार असफल बनाउन षड्यन्त्र- दाहाल

२०७५, असोज २६ शुक्रबार

दुर्घटनामा तीनको मृत्यु

२०७५, असोज २६ शुक्रबार

‘ग्याङ् फाइट’मा युवकको मृत्यु

२०७५, असोज २६ शुक्रबार

वेल्स स्पेनसँग ४-१ ले पराजित

२०७५, असोज २६ शुक्रबार

विश्व विजेता फ्रान्सको कठिन जीत

२०७५, असोज २६ शुक्रबार