२०७६, असार ०३ मङ्गलबार

स्वास्थ्य शिविरमा ३५१ को स्वास्थ्य परीक्षण

२०७५, पुष १४ शनिबार |

काठमाडौँ- बेबिलोन नेशनल स्कूल, शान्तिनगर र पद्मावती बचत तथा ऋण सहकारी संस्था नःबहाल, ललितपुरको आयोजनामा आज विद्यालय हातामा एक दिने बृहत् निःशुल्क स्वास्थ्य शिविर आयोजना गरिएको छ । जनरल, आँखा, नाक, कान, घाँटी, दन्त, छाला तथा चर्मरोगसम्बन्धी विशेषज्ञले निःशुल्क सेवा दिएको शिविरमा विद्यार्थी, शिक्षक, अभिभावक तथा स्थानीय बासिन्दा गरी ३५१ को स्वास्थ्य परीक्षण गरी उपलब्ध भएका औषधिसमेत निःशुल्क वितरण गरिएको थियो ।

शिविरमा आएकामध्ये अधिकांश छाला तथा चर्मरोगसँग सम्बन्धित र केटाकेटीमा दाँतको समस्या धेरै भेटिएको कार्यक्रम संयोजक टीकाप्रसाद सुवेदीले बताउनुभयो । विद्यार्थीलाई पढाउने मात्र नभई विद्यालयले समाजप्रतिको दायित्वसमेत निभाउँदै आएको उल्लेख गर्दै विद्यालयका प्रधानाध्यापक राजु राईले सोहीअनुसार विभिन्न समयमा स्वास्थ्य शिविर तथा रक्तदानजस्ता कार्यक्रम सञ्चालन गर्दै आएको बताउनुभयो ।

‘जीवनको सार स्वस्थताको बहार’ भन्ने नाराका साथ आयोजित सो निःशुल्क स्वास्थ्य शिविरमा पद्यमावती स्वास्थ्य केन्द्र नःबहाल, ललितपुरका विशेषज्ञ चिकित्सक तथा स्वास्थ्यकर्मीले सेवा दिएका थिए ।

118 पटक हेरिएको

कृपया तपाईको प्रतिकृया यहाँ दिनुहोला!

नयाँ समाचार

सबै हेर्नुहोस

लागुऔषधसहित छ पक्राउ

२०७६, असार ०२ सोमबार

मनसुन एक साता ढिलो भित्रिने

२०७६, जेठ २७ सोमबार